Хаакін Рафаэль Фенікс (англ.: Joaquin Raphael Phoenix; нар. 28 кастрычніка 1974, Сан-Хуан, Пуэрта-Рыка) — амерыканскі акцёр, прадзюсар, музыкант і кліпмэйкер. Малодшы брат акцёра Рывера Фенікса.
Чатырохразовы намінант і двухразовы лаўрэат прэміі «Залаты глобус», прызёр Канскага кінафестывалю і ўладальнік кубка Вольпе Венецыянскага кінафестывалю за лепшую мужчынскую ролю, лаўрэат музычнай прэміі «Грэмі», трохразовы намінант прэміі «Оскар» і ўладальнік за фільм «Джокер», лаўрэат прэміі Брытанскай кінаакадэміі.
Сусветную вядомасць Феніксу прынесла роля рымскага імператара Камода ў фільме «Гладыятар». У 2012 годзе атрымаў прызнанне кінакрытыкаў за ролю Фрэдзі Куэла ў фільме «Майстар», за якую быў намінаваны на прэмію «Оскар» у катэгорыі «Лепшая мужчынская роля». Таксама вядомы па фільмах «Знакі», «Гатэль „Руанда“», «Таямнічы лес», «Пераступіць рысу», «Яна», «Джокер».