wd wp Пошук: ⬜

Філіп Леклерк

У Вікіпедыі ёсць артыкулы пра іншых людзей з імем Леклерк. Жак Філіп Леклерк (поўнае імя Жак Філіп Леклерк, граф дэ Атклок, фр.: Philippe Leclerc, comte de Hauteclocque, /ləklɛʁ də otklok/; 22 лістапада 1902, Белуа-Сен-Леанар, Францыя — 28 лістапада 1947, Бешар, Алжыр) — французскі генерал часоў Другой сусветнай вайны, маршал Францыі (1952, пасмяротна).

Биография

З арыстакратычнага графскага роду, вядомага з XIII стагоддзя. Прамыя продкі роду Атклокаў удзельнічалі ў Крыжовых паходах, бітве пры Фантэнуа, Напалеонаўскіх войнах. Адукацыю атрымаў у Сен-Сірскай ваеннай школе (1924). Службу пачаткаў у 5-м кірасірскім палку ў Мозелі, затым быў пераведзены ў 8-ы полк спагі ў Марока.

Пазней служыў інструктарам афіцэрскай школы і ў складзе 1-га афрыканскага конна-егерскага палка. Пасля пачатку вайны ў верасні 1939 года быў адкліканы ў Францыю.

У складзе «Змагарнай Францыі», як і шматлікія камандзіры, чые сем’і засталіся ў акупаванай Францыі, выкарыстоўваў псеўданім — «Леклерк», пасля вайны далучаны да сапраўднага прозвішча. У снежні 1942 — студзені 1943 гадоў правёў французскія войскі ад возера Чад да Трыпалі, для ўдзелу злучэнняў у Туніскай кампаніі.

У 1944 годзе камандаваў французскімі войскамі падчас высадкі саюзнікаў у Нармандыі.

У 1945 годзе быў адпраўлены ў Індакітай, але неўзабаве падаў у адстаўку, нездаволены дзяржаўнай падтрымкай яго баявых аперацый супраць В’етміня.

У 1947 годзе, інспектуючы французскія часткі ў Паўночнай Афрыцы, разбіўся на самалёце над Алжырам.

Узнагароды

У 1952 годзе пасмяротна атрымаў званне Маршала Францыі.
Кавалер Вялікага Крыжа ордэны Ганаровага легіёна.
Кампаньён ордэна Вызвалення
Ваенны медаль
Ваенны крыж 1939—1945
Медаль Супраціўлення з разеткай
Каланіяльны медаль з планкамі: «Maroc», «Fezzan», «Koufra», «Tripolitaine», «Tunisie», «Extrême-Orient»
Сярэбраная зорка (ЗША)
Ордэн «За выбітныя заслугі» (Вялікабрытанія)
Камандор ордэна Кароны (Бельгія)
Ваенны крыж (Бельгія)

Гл. таксама

Леклерк, танк

Зноскі

↑ https://www.academieoutremer.fr/academiciens/?aId=471

Спасылкі

На Вікісховішчы ёсць медыяфайлы па тэме Жак Філіп Леклерк
Біяграфія на сайце ХРОНАС
Біяграфічны артыкул Архівавана 4 чэрвеня 2011. (англ.)