wd wp Пошук: ⬜

Фёдар Трафімавіч Касцюковіч

У Вікіпедыі ёсць артыкулы пра іншых асоб з прозвішчам Касцюковіч. Фёдар Трафімавіч Касцюковіч (1 сакавіка 1902, в. Боркі, Барысаўскі раён, Мінская вобласць — 15 ліпеня 1994) — беларускі спецыяліст у галіне эканомікі лясной гаспадаркі. Доктар сельскагаспадарчых навук (1966), кандыдат эканамічных навук, прафесар (1967). Удзельнік Вялікай Айчыннай вайны.

Біяграфія

Скончыў Беларускую дзяржаўную акадэмію сельскай гаспадаркі (1928), Ленінградскую лесатэхнічную акадэмію (аспірантура).

Працаваў у Усесаюзным навукова-даследчым інстытуце лясной гаспадаркі (г. Пушкіна, Маскоўская вобласць; з 1938, старшы навуковы супрацоўнік), Беларускім навукова-даследчым інстытуце лясной гаспадаркі (1948—1953, дырэктар), Беларускім тэхналагічным інстытуце (1953—1961, рэктар, адначасова загадчык кафедры), Беларускім дзяржаўным інстытуце народнай гаспадаркі імя В. У. Куйбышава (1967—1981, прафесар кафедры эканомікі сельскай гаспадаркі).

Навуковыя інтарэсы: эканоміка, арганізацыя і планаванне лесагаспадарчай вытворчасці; размяшчэнне дрэвавых парод; роля лесу і асаблівасці мнагалетніх насаджэнняў у лясной гаспадарцы, ахоўных насаджэннях; вышэйшая лесатэхнічная адукацыя.

Літаратура

Основы социалистического лесохозяйственного производства : автореферат диссертации … доктора сельскохозяйственных наук / Ф. Т. Костюкович. — Минск, 1962.
Касцюковіч Фёдар Трафімавіч // Беларуская савецкая энцыклапедыя : [у 12 т.]. — Мінск, 1972. — Т. 5. — С. 504.
Касцюковіч Фёдар Трафімавіч // Беларуская энцыклапедыя : у 18 т. — Мінск, 1999. — Т. 8. — С. 162.
Костюкович Федор Трофимович // Республика Беларусь : энциклопедия : [в 7 т.]. — Минск, 2007. — Т. 4. — С. 243.
Костюкович Федор Трофимович // Регионы Беларуси : энциклопедия : в 7 т. — Минск, 2017. — Т. 5 : Минская область : в 3 кн., кн. 2. — С. 141.
Лесоэкономической науке Беларуси — 90 лет / А. В. Неверов, В. П. Демидовец // Труды БГТУ. — Минск, 2013. ― № 7. ― С. 6―8. (В содержании сведения о Костюковиче Ф. Т.)