У Вікіпедыі ёсць артыкулы пра іншых асоб з прозвішчам Буслаеў. Фёдар Іванавіч Буслаеў (13 (25) красавіка 1818 — 31 ліпеня (12 жніўня) 1897) — гісторык рускай мовы, выдавец старажытных рукапісаў. Шмат увагі надаваў даследаванню рускага фальклору, помнікаў старажытнарускай літаратуры. Адным з першых паставіў пытанне аб неабходнасці вывучэння твораў старажытнарускай літаратуры ў цеснай сувязі з выяўленчым мастацтвам, звяртаў увагу не толькі на змест помніка, але і на яго эстэтычную каштоўнасць, падкрэсліваючы непарыўнае адзінства мовы, паэзіі і міфалогіі. Вынікі даследаванняў Ф. І. Буслаева абагульненыя ў «Гістарычных нарысах рускай народнай славеснасці і мастацтва» (СПб., 1861).