У Вікіпедыі ёсць артыкулы пра іншых асоб з прозвішчам Дрэйк. Фрэнсіс Дональд Дрэйк (англ.: Frank Donald Drake 28 мая 1930 — 2 верасня 2022) — амерыканскі астраном.
Нарадзіўся ў Чыкага, вучыўся на факультэце электронікі Карнэльскага ўніверсітэта. Праслухаўшы цыкл лекцый славутага астранома О. Струвэ аб фарміраванні планетных сістэм, на ўсё жыццё прасякнуўся цікаўнасцю да пытанняў пазаземнага жыцця і цывілізацый. Адслужыўшы ў амерыканскіх ВМС, паслядоўна працаваў у Нацыянальнай радыёастранамічнай абсерваторыі (NRAO), Карнельскім універсітэце і Каліфарнійскім універсітэце (горад Санта-Круз). Пры падтрымцы Струвэ Дрэйк арганізаваў стварэнне 28-мятровага радыётэлескопа на базе NRAD (праект «Озма») — першага ў свеце вымяральна-рэгіструючага прыбора, спецыяльна створанага для спробы выяўлення пазаземнага жыцця. Стваральнік так званага «ураўнення Дрэйка».
Аб Фрэнке Дрэйке магчыма сказаць, што ён, па меньшай меры тройчы, быў першым — першым у свеце пачаў пошук сігналаў іншых цывілізацый — Праект «Озма», першым у свеце (разам з Карлам Саганам і інш.) стварыў пасланне для іншапланетных цывілізацый — «Pioneer Plaque», і першым у свеце стварыў і адправіў міжзорнае радыёпасланне — «Arecibo Message».