Фрэдэгонда, Фрэдэгунда (лац.: Fredegundis, фр.: Frédégonde, старажытнаням. «Мірная ваяўніца», ад fridu - «мірны», gund - «бой, бітва») (каля 545 - 8 снежня 597, Парыж) — франкская каралева, спачатку наложніца, затым жонка Хільперыка I, меравінгскага караля Нейстрыю, чыю папярэднюю жонку, вестготку Галесвінту, яна загубіла. Была ў непрымірымай варожасці з аўстразійскай каралевай Брунгільдай, сястрой Галесвінты. Маці караля Хлотара II.