Фрыц Вольфганг Лондан (ням.: Fritz Wolfgang London; 7 сакавіка 1900 — 30 сакавіка 1954) — нямецкі фізік-тэарэтык. Яго фундаментальны ўклад у тэорыю хімічнай сувязі і міжмалекулярных сіл (лонданаўскія дысперсійныя сілы) лічацца сёння класічнымі і разглядаюцца ў сучасных падручніках па фізічнай хіміі.
Разам з сваім братам Хайнцам Лонданам зрабіў значны ўклад у разуменне электрамагнітных уласцівасцяў звышправоднасці (Ураўненне Лонданаў).
Лондан нарадзіўся ў Брэслаў, Сілезія, Германія (цяпер Вроцлаў, Польшча) у сям’і Франца Лондана (1863—1917). Пасля прыходу да ўлады нацыстаў ён губляе пасаду ў Берлінскім універсітэце з-за яўрэйскага паходжання. Займаючы часова пасады ў Англіі і Францыі, ён канчаткова эмігруе ў Злучаныя Штаты ў 1939 годзе. У 1945 годзе ён атрымлівае грамадзянства ЗША. Да канца свайго жыцця быў прафесарам ва Універсітэце Дзьюка. У 1953 годзе быў узнагароджаны медалём Лорэнца. Памёр Лондан у 1954 годзе ў горадзе Дарэм, Паўночная Караліна.