Францішак Гельнер (чэшск.: František Gellner; 19 чэрвеня 1881, Млада-Баляслаў — 13 верасня 1914) — чэшскі паэт.
У Парыжы вывучаў жывапіс. Паэзія Гельнера (зборнік «Пасля нас хоць патоп», 1901, «Радасці жыцця», 1903) накіравана супраць крывадушнасці, прасякнута анархісцкім пафасам разбурэння, тугой па справядлівых чалавечых адносінах. У палітычнай сатыры выкрываў аўстра-венгерскую манархію, апартунізм сацыял-дэмакратыі, ілюстраваў свае вершы карыкатурамі. Загінуў у Галіцыі падчас Першай сусветнай вайны.