Франсуа Азон (фр.: François Ozon; нар. 15 лістапада 1967) — французскі сцэнарыст і кінарэжысёр, фільмы якога характарызуюцца вострай сатырай і свабоднымі поглядамі на чалавечую сэксуальнасць. Ён заваяваў міжнародную папулярнасць дзякуючы сваім фільмам «8 жанчын» (па-французску 8 femmes, 2002) і «Басейн» (па-англійску Swimming Pool, 2003). Франсуа Азон лічыцца адным з самых прыкметных маладых рэжысёраў «новай хвалі» ў Францыі.