У Вікіпедыі ёсць артыкулы пра іншых асоб з прозвішчам Форд.
Форд Герман Хюфер (англ.: Ford Hermann Hueffer; 17 снежня 1873 — 26 чэрвеня 1939), пасля Першай сусветнай вайны змяніў імя на Форд Мэдакс Форд (англ.: Ford Madox Ford) — англійскі пісьменнік, паэт, літаратурны крытык і рэдактар часопісаў. Сярод яго найбольш значных работ вылучаюць трылогію «Пятая каралева», тэтралогію «Канец параду» і раман «Салдат заўсёды салдат», які ўваходзіць у спісы найвялікшых літаратурных твораў.