wd wp Пошук: ⬜

Фонд Вікімедыя

Не блытайце з MediaWiki — праграмным механізмам для вэб-сайтаў, якія працуюць па тэхналогіі «вікі»

Фонд Вікімедыя (англ.: Wikimedia Foundation Inc.) — некамерцыйная арганізацыя, якая забяспечвае матэрыяльную аснову для шэрага інтэрнэт- супольнасцяў, што ствараюць свабодна распаўсюджваемы кантэнт, найболей вядомае з якіх — вольная энцыклапедыя «Вікіпедыя». Дзейнасць Фонду ажыццяўляецца дзякуючы добраахвотным ахвяраванням. Саму працу па стварэнні «вольнага кантэнту» (тэкстаў і малюнкаў, якія распаўсюджваюцца пад ліцэнзіямі GFDL, CC-BY(-SA), ці ж змешчаных у грамадскім набытку) і « вольнага кода» (праграмнага кода, што распаўсюджваецца па ліцэнзіі GPL) робяць добраахвотнікі з усяго свету.

Пра ўстанову фонду 20 чэрвеня 2003 года абвясціў заснавальнік ужо існавалай тады Вікіпедыі Джымі Вэйлз.

Зместавыя праекты

Натхнёныя поспехам Вікіпедыі, яе ўдзельнікі прапанавалі адкрыць іншыя сайты, якія працавалі б на падобных прынцыпах для стварэння іншых выглядаў адукацыйных і даведкавых выданняў:

• Вікіслоўнік — універсальны, шматмоўны слоўнік-тэзаўрус (са снежня 2002 г.).
• Вікікнігі — падручнікі і дапаможнікі (з ліпеня 2003 г.).
• Вікіцытатнік — зборнік цытат (з ліпеня 2003 г.).
• Віківандроўкі — даведнік па падарожжам (з ліпеня 2003 г.).
• Вікікрыніцы — лічбавая бібліятэка (з лістапада 2003 г.).
• Вікісховішча — сховішча медыя файлаў (з верасня 2004 г.).
• Віківіды — таксанамічны каталог біялагічных відаў (з верасня 2004 г.).
• Вікінавіны — навіны анлайн (з лістапада 2004 г.).
• Віківерсітэт — дыстанцыйнае навучанне (са жніўня 2006 г.).
• Вікіданыя — база інфармацыйных элементаў (з кастрычніка 2012 г.).

Інфраструктура і каардынацыйныя праекты

• МетаВікі — цэнтральны сайт для каардынацыі ўсіх вікіпраектаў і вікімедыйнай супольнасці.
• Медыявікі — праца з Вікірухавіком.
• Вікі-Інкубатар — пясочніца для розных моўных раздзелаў.
• Вікітэх — тэхнічныя праекты і інфраструктура.

Рада павераных

Рада павераных (Рада давераных асоб) з’яўляецца вярхоўным органам улады Фонду, у якой цяпер 9 чалавек.

• Майкл Сноу, старшыня (да ліпеня 2010)
• Джымі Вэйлз, ганаровы старшыня (да снежня 2009)
• Ян-Барт дэ Фрыдзе, віцэ-старшыня (да снежня 2009)
• Сэмюэль Кляйн, (да ліпеня 2011)
• Сцюарт Уэст, скарбнік (да снежня 2009)
• Кэт Уолш (да ліпеня 2011)
• Цін Чэнь (да ліпеня 2011)
• Арне Клемперт (да ліпеня 2010)
• Мэт Хэлпрын (да снежня 2009)

Рада складаецца з абраных і прызначаных членаў. Абраныя змяняюцца ў чэрвені ці ліпені, у залежнасці ад даты выбараў, прызначаныя — у снежні.

Аддзяленні фонду

Дзейнасць Фонду падтрымваецца сеткай з 41 «рэгіянальнага аддзялення» па ўсім свеце (звесткі на ліпень 2017 г.), праца якіх таксама забяспечваецца добраахвотнікамі. Існуюць «рэгіянальныя аддзяленні» ў Аўстраліі, Аўстрыі, Аргенціне, Венгрыі, Германіі, Ганконгу, Ізраілі, Інданезіі, Італіі, Нідэрландах, Нарвегіі, Польшчы, Расіі, Сербіі, Тайландзе, Украіне, Францыі, Чэхіі, Швецыі і Швейцарыі; падчас стварэння — аддзяленні ў Бразіліі і Вялікабрытаніі. Нягледзячы на выкарыстанне тэрміна «рэгіянальныя аддзяленні», гэта незалежныя арганізацыі, якія яднае з «матчыным» Фондам агульная мэта — спрыянне стварэнню і распаўсюджанню ліцэнзійна вольных адукацыйных матэрыялаў.

Гл. таксама

• Эрык Мёлер

Зноскі

1. ↑ Tax_Deductibility // Wikimedia Foundation website — Wikimedia Foundation.
2. ↑ http://search.sunbiz.org/Inquiry/CorporationSearch/SearchResultDetail?inquirytype=EntityName&directionType=Initial&searchNameOrder=WIKIMEDIAFOUNDATION%20N030000053230&aggregateId=domnp-n03000005323-6dc7ff3a-b7ba-4c97-9b9e-4545cef1ca0a&searchTerm=Wikimedia%20Foundation&listNameOrder=WIKIMEDIAFOUNDATION%20N030000053230 — Фларыда.
3. ↑ https://www.charitynavigator.org/ein/200049703 Праверана 4 лютага 2022.
4. ↑ Detail by Entity Name: Florida Not For Profit Corporation WIKIMEDIA FOUNDATION, INC. — Florida Department of State.
5. ↑ OpenCorporates — 2010. Праверана 22 лютага 2022.
6. ↑ Wikipedia founder Jimmy Wales goes bananas - Telegraph — The Daily Telegraph, 2008.
7. ↑ [Wikipedia-l Announcing Wikimedia Foundation] — 2003.
8. ↑ Wikipedia founder Jimmy Wales goes bananas
9. 1 2 3 4 annual report
10. ↑ https://web.archive.org/web/20211010025110/https://wikimediafoundation.org/role/staff-contractors/
11. ↑ https://wikimediafoundation.org/ru Праверана 6 красавіка 2022.
12. ↑ https://wikimediafoundation.org Праверана 6 красавіка 2022.
13. ↑ https://wikimediafoundation.org/de Праверана 6 красавіка 2022.
14. ↑ https://wikimediafoundation.org/zh Праверана 6 красавіка 2022.
15. ↑ https://wikimediafoundation.org/fr Праверана 6 красавіка 2022.
16. ↑ https://wikimediafoundation.org/ar Праверана 6 красавіка 2022.
17. ↑ https://wikimediafoundation.org/es Праверана 6 красавіка 2022.
18. ↑ (unspecified title) Праверана 25 студзеня 2022.

Спасылкі

• Сайт Фонду Вікімедыя — на рускай мове
• Блог Фонду Вікімедыя
• Архітэктура праектаў Вікімедыа

Тэмы гэтай старонкі (9):
Вікімедыя
Кампаніі паводле алфавіта
Некамерцыйныя арганізацыі
Арганізацыі ЗША
Недзяржаўныя арганізацыі
Кампаніі, заснаваныя ў 2003 годзе
Вікіпедыя:Артыкулы з крыніцамі з Вікідадзеных
Вікіпедыя:Кампаніі без геаграфічных каардынат
Вікіпедыя:Артыкулы са спасылкамі на элементы Вікідадзеных без беларускага подпісу