wd wp Пошук: ⬜

Фелікс Якаўлевіч Беранштэйн

Фелікс Якаўлевіч Беранштэ́йн (24 лістапада 1904, Роўна, Украіна — 13 верасня 1977) — беларускі вучоны ў галіне біяхіміі. Доктар біялагічных навук (1938), прафесар (1935).

Біяграфія

Скончыў Харкаўскі ветэрынарны інстытут у 1926 годзе, аспірантуру пры Харкаўскім медыцынскім інстытуце ў 1929 годзе. У 1930–1935 гг. прафесар кафедры біяхіміі Камянец-Падольскага зоатэхнічнага інстытута. У 1935—1941 і 1945—1971 гг. у Віцебскім ветэрынарным інстытуце — загадчык кафедрай арганічнай і біялагічнай хіміі, з 1972 г. прафесар. У 1941–1945 гг. загадчык кафедрай аналітычнай хіміі Куйбышаўскага індустрыяльнага інстытута. Адначасова ў 1934–1937, 1939–1941 і 1946–1954 гг. загадчык кафедрай біяхіміі Віцебскага медыцынскага інстытута.

Навуковая дзейнасць

Аўтар навуковых прац па вывучэнні мікраэлементаў, іх ролі і значэнні ў жывёлагадоўлі, пытаннях клінічна-ветэрынарнай біяхіміі, фізічна-хімічных уласцівасцях біяарганічных рэчываў.

Некаторые працы

Микроэлементы в физиологии и патологии животных. — Мн., 1966

Зноскі

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 3: Беларусы — Варанец. — 511 с. — 10 000 экз. — ISBN 985-11-0068-4 (т. 3), ISBN 985-11-0035-8.
Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 575 с., іл. — 10 000 экз. — С. 286.

Спасылкі

Беранштэйн, Фелікс Якаўлевіч (доктар біялагічных навук; 1904—1977) // Нацыянальная бібліятэка Беларусі