ФК Норвіч Сіці
«Норвіч Сіці» (англ.: Norwich City F.C.) — англійскі футбольны клуб з горада Норыдж, што знаходзіцца ў графстве Норфалк, які выступае ў Чэмпіёншыпе.
Клуб быў заснаваны ў 1902 годзе. Упершыню клуб патрапіў у вышэйшы англійскі футбольны дывізіён у 1972 годзе, дзе згуляў увогуле 21 сезон. «Норвіч Сіці» двойчы перамог у турніры на Кубак лігі ў 1962 і 1985 гадах. Таксама клуб з’яўляецца адным з заснавальнікаў Прэм’ер-лігі ў 1992/93 гадах, заняўшы ў тым сезоне трэцяе месца. Клуб згуляў першыя тры сезоны ў новай лізе, нават праходзячы ў Кубак УЕФА, дзе каманда дасягнула трэцяга раўнда, а таксама вярнулася на адзін сезон у 2004/05 гадах. З сезона 2011/12 па 2013/14 гады «Норвіч Сіці» выступаў у Прэм’ер-лізе пасля шасцігадовай адсутнасці, скончыўшы на другім месцы Чэмпіянат Футбольнай лігі ў 2010/11 гадах і атрымаўшы, такім чынам, аўтаматычны пераход у вышэйшы дывізіён[2]. Па выніках сезона 2014/15 «Норвіч Сіці» праз плэй-оф зноў атрымаў месца ў Прэм’ер-лізе, дзе адгуляў адзін сезон. Сезоны 2019/20 і 2021/22 каманда ізноў праводзіла ў Прэм’ер-лізе, але абодва разы займала апошняе месца.
З 1935 года «Норвіч Сіці» праводзіць свае хатнія матчы на стадыёне «Карау Роўд», а таксама мае даўніе і жорсткае суперніцтва з суседзямі па Усходняй Англіі клубам «Іпсвіч Таўн», з якімі яны правялі ўжо агулам 138 матчаў, гэта дэрбі мае назва — Дэрбі Усходняй Англіі. Песня заўзятараў «On The Ball, City» разглядаецца як найстарэйшая футбольная песня ў свеце.
Гісторыя
Футбольны клуб «Норвіч Сіці» быў створаны паводле выніках сустрэчы ў кафэ «Крытэрыён» у Норыджы 17 чэрвеня 1902 года. Праз некалькі дзён, 2 ліпеня, адбылася яшчэ адна сустрэча з нагоды стварэння клуба, якая была арганізавана трыма былымі ігракамі клуба «Norwich CEYMS», Робертам Уэбстэрам, Джозефам Куперам і Брэдам Скелі[3][4]. Свой першы матч клуб правёў 6 верасня 1902 года супраць каманды «Гарыдж і Паркенсан» на пляцоўцы «Ньюмаркет Роўд»[5]. Пасля паверкі камісіяй Футбольнай асацыяцыі клуб быў адхілены ад аматарскіх гульняў у 1905 годзе, бо быў характарызаваны як арганізацыя з прафесійнымі прыкметамі. У тым жа годзе «Норвіч Сіці» быў абраны ў якасці члена Паўднёвай лігі, а з павелічэннем колькасці наведвальнікаў матчаў, клуб быў вымушаны з’ехаць з «Ньюмаркет Роўд» у 1908 годзе і пераехаць на «Нест», закінуты кар’ер мелу. Арыгінальнай мянушкай клуба была «грамадзяне», аднак з 1907 года стала ўжываць сучасная «канаркі», з-за папулярнай у той час модзе на развядзенне і ўтрыманне птушак. Падчас Першай сусветнай вайны, калі футбол быў прыпынены, перад клубам паўстала сур’ёзная запазычанасць, такім чынам 10 снежня 1917 года клуб увайшоў у стадыю добраахвотнай ліквідацыі.
Тытулы
- Уладальнік Кубка лігі: 2
- 1962, 1985
Склад
Станам на верасень 2022 года.
|
|
Зноскі
- ↑ https://www.edp24.co.uk/news/norwich-city-joint-majority-shareholder-michael-wynn-jones-pays-tribute-499356 Праверана 4 сакавіка 2022.
- ↑ Portsmouth 0-1 Norwich, BBC Sport website.
- ↑ «Norwich City History» Архівавана 11 жніўня 2009.. 4thegame.com.
- ↑ Club history 1902 to 1940 Архівавана 8 снежня 2009.. Norwich City FC
- ↑ Eastwood, John; Mike Davage (1986). «Canary Citizens». Almeida Books. pp. 1, p19. ISBN 0-7117-2020-7.
Спасылкі
На Вікісховішчы ёсць медыяфайлы па тэме ФК Норвіч Сіці- Афіцыйны сайт «Норвіч Сіці» (англ.)
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Клубы англійскай Прэм’ер-лігі
Катэгорыя·ФК Норвіч Сіці
Катэгорыя·Футбольныя клубы, заснаваныя ў 1902 годзе
Катэгорыя·Футбольныя клубы паводле алфавіта
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Футбольныя клубы Англіі