У Вікіпедыі ёсць артыкулы пра іншых асоб з прозвішчам Шэрман.
Уільям Тэкумсэ Шэрман (англ.: William Tecumseh Sherman; 8 лютага 1820 — 14 лютага 1891) — амерыканскі палітык, ваенны і пісьменнік. Праславіўся як адзін з найбольш таленавітых генералаў Грамадзянскай вайны 1861—1865 гг., дзе ён ваяваў на баку Поўначы. У той жа час набыў сумную славу за сваю тактыку «выпаленай зямлі».
З 4 сакавіка 1869 г. па 1883 год — камандуючы генерал арміі ЗША (адпавядае больш позняй пасадзе начальніка штаба Арміі ЗША), генерал арміі. У адрозненне ад іншых генералаў Грамадзянскай вайны, паслядоўна пазбягаў умяшання ў палітыку.
Імем генерала названы танк часоў Другой сусветнай вайны (M4 Sherman), а таксама адна з гіганцкіх секвой, якая носіць імя «Генерал Шэрман» (у нацыянальным парку Секвоя ў Каліфорніі).