У Вікіпедыі ёсць артыкулы пра іншых асоб з прозвішчам Янчэўскі.
Усе́валад Вячасла́вавіч Янчэ́ўскі (нар. 22 красавіка 1976, г. Барысаў) — беларускі палітычны і грамадскі дзеяч, памочнік прэзідэнта, начальнік Галоўнага ідэалагічнага ўпраўлення Адміністрацыі прэзідэнта Беларусі.
У 1998 годзе скончыў юрыдычны факультэт БДУ. Першы сакратар ЦК БПСМ (1997—2001), дэпутат Палаты прадстаўнікоў (2000—2004), галоўны рэдактар часопіса «Планета» (з 2005).
Да прызначэння на пасаду начальніка галоўнага ідэалагічнага ўпраўлення (сакавік 2008) Усевалад Янчэўскі быў першым намеснікам начальніка галоўнага ўпраўлення — начальнікам ўпраўлення па каардынацыі ідэалагічнай работы галоўнага ідэалагічнага ўпраўлення Адміністрацыі прэзідэнта Беларусі.
Усевалад Янчэўскі станавіўся суб’ектам забароны на паездкі і замарожвання актываў Еўрапейскім Саюзам як частка Чорнага спісу Еўрасаюза пасля прэзідэнцкіх выбараў 2010 года як памочнік прэзідэнта па ідэалогіі[1].
Згодна з рашэннем Еўрапейскага савета ад 15 кастрычніка 2012 года, на пасадах памочніка прэзідэнта, кіраўніка ідэалагічнага аддзела Адміністрацыі прэзідэнта Янчэўскі быў галоўным стваральнікам ідэалогіі рэжыму(бел. (тар.)) бел. і дзяржаўнай прапаганды, якія падтрымліваюць і апраўдваюць рэпрэсіі супраць дэмакратычнай апазіцыі і грамадзянскай супольнасці, што сістэматычна асвятляюцца негатыўна і зневажальна, выкарыстоўваючы падробленую інфармацыю[2][3].