У Вікіпедыі ёсць артыкулы пра іншых асоб з прозвішчам Пуцыла. Уладзімір Рыгоравіч Пуцыла — беларускі суддзя і адвакат. Мае першы кваліфікацыйны клас суддзі[1].
У 1996 годзе вызвалены ад пасады суддзі суда Ленінскага раёна Магілёва(бел. (тар.)) бел. і прызначаны суддзёй Магілёўскага абласнога суда[2].
У 2004 годзе працаваў намеснікам старшыні Магілёўскага абласнога суда[1].
18 лютага 2005 года прызначаны суддзёй Вярхоўнага Суда Рэспублікі Беларусь[3].
З 26 лютага 2008 года па 5 чэрвеня 2013 года працаваў суддзёй, потым і старшынёй Мінскага гарадскога суда[4][5].
5 чэрвеня 2013 года прызначаны суддзёй Вярхоўнага Суда Рэспублікі Беларусь[5], 21 красавіка 2016 года вызвалены ад пасады па ўласным жаданні[6].
Працуе адвакатам у адвакацкім бюро «Петрашэвіч і партнёры», спецыялізуецца на адміністрацыйным, грамадзянскім, крымінальным і гаспадарчым праве[7].
Мае сына Алега, які працуе адвакатам[8].
27 лютага 2012 года Пуцыла як старшыня Мінскага гарадскога суда, які адхіліў апеляцыі палітвязняў Паўла Севярынца і Аляксандра Атрошчанкава, быў унесены ў Чорны спіс Еўрасаюза[9][10][11].