wd wp Пошук: ⬜

Уладзімір Нічыпаравіч Малін

У Вікіпедыі ёсць артыкулы пра іншых асоб з прозвішчам Малін.

Уладзі́мір Нічы́паравіч Ма́лін (11 (24) ліпеня 1906, п. Яконава Цвярской губерні, Расійская імперыя — 30 студзеня 1982, г. Масква) — савецкі партыйны дзеяч. Член партыі з 1926 года, член Цэнтральнай рэвізійнай камісіі КПСС (1956—1966). Сакратар ЦК КПБ. Дэпутат Вярхоўнага Савета СССР.

Біяграфія

Скончыў Ленінградскі камуністычны універсітэт(1933), пасля на партрабоце.

У 1938—1939 гадах першы сакратар Магілёўскага абкама КП(б) Беларусі.

У 1939—1947 гадах сакратар ЦК КП(б) Беларусі, адначасова ў 1942—1944 гадах начальнік Палітупраўлення Цэнтральнага штаба партызанскага руху і намеснік яго начальніка. Старшыня Рэспубліканскага камітэта дапамогі па абслугоўванню хворых і параненых байцоў і камандзіраў. З жніўня 1943 па 1947 год 3-і сакратар ЦК КП(б) Беларусі.

У 1947—1949 гадах слухач курсаў перападрыхтоўкі пры ЦК УКП(б).

У 1949—1952 гадах сакратар Ленінградскага гаркама УКП(б).

У 1952—1954 гадах інспектар ЦК КПСС. Па некаторых дадзеных, пасля арышту А. М. Паскробышава выконваў яго абавязкі пры Сталіне [1].

У 1954—1965 гадах — загадчык агульным аддзелам ЦК КПСС.

У 1965—1970 гадах рэктар Акадэміі грамадскіх навук пры ЦК КПСС.

З 1970 года на пенсіі.

Яго сын Б. У. Малін працаваў у НДІ-35[2].

Зноскі

↑ акадэмік Аляксандр Фурсенка, «Конец эры Сталина»
↑ Электроника НТБ — научно-технический журнал — Зеленоградский Центр микроэлектроники: создание, расцвет, закат…

Спасылкі

Артыкул на сайце «Хронаса»
Малин Владимир Никифорович. Справочник по истории Коммунистической партии и Советского Союза 1898—1991. Праверана 7 кастрычніка 2016.
Гістарычная даведка на сайце альманаха «Расія. XX стагоддзе»