У Вікіпедыі ёсць артыкулы пра іншых асоб з прозвішчам Хоміч.
Уладзімір Міхайлавіч Хоміч (нар. 24 студзеня 1951, в. Кунахавічы, Камянецкі раён, Брэсцкая вобласць) — беларускі юрыст. Доктар юрыдычных навук (1998), прафесар (2000).
Скончыў Беларускі дзяржаўны ўніверсітэт (спецыяльнасць «Правазнаўства», 1973).
Працаваў у Беларускім дзяржаўным універсітэце (з 1976, Інстытут перападрыхтоўкі і павышэння кваліфікацыі суддзяў, работнікаў пракуратуры, судоў і ўстаноў юстыцыі, кафедра судовай дзейнасці, прафесар).
Навуковыя інтарэсы: прававое рэгуляванне дзейнасці крымінальнай юстыцыі.
Ганаровая грамата Савета Міністраў Рэспублікі Беларусь (2001).