Уладзімір Серпікаў (19 мая 1966 года ў Гомельскай вобласці) — беларускі дыпламат.
Выпускнік перакладчыцкага факультэта Мінскага дзяржаўнага педагагічнага інстытута замежных моў (1990) і юрыдычнага факультэта БДУ (1996).
У 1990—1992 гадах працаваў у міністэрстве адукацыі, у 1992—1995 гадах у міністэрстве замежных эканамічных сувязяў. У 1995—1998 гадах прабываў на дыпламатычнай службе ў ЗША. У 1998—2001 гадах працаваў у МЗС. У 2001 годзе стаў саветнікам пасольства ў Каралеўстве Бельгія, у 2006 годзе зноў стаў працаваць у МЗС. 3 верасня 2010 быў прызначаны Надзвычайным і Паўнамоцным Паслом Рэспублікі Беларусь у Славацкай Рэспубліцы[1].