Уладзімір Мікалаевіч Пе́ратц (руск.: Влади́мир Никола́евич Пе́ретц; 2 (14) сакавіка 1870—24 верасня 1935) — рускі філолаг, гісторык літаратуры. Зрабіў вялікі ўнёсак у даследванне старой украінскай і беларускай літаратуры, у прыватнасці ўпершыню апублікаваў «Камедыю» Каятана Марашэўскага.
Уладзімір Ператц нарадзіўся ў Санкт-Пецярбургу, скончыў Санкт-Пецярбургскі ўніверсітэт (1893). Быў прафесарам у Кіеве (з 1903), пасля ў Саратаве (1914–1917). У 1934 арыштаваны ў Ленінградзе па «справе славістаў», выключаны з Акадэміі Навук і высланы на тры гады ў Саратаў. Памёр у ссылцы ў наступным годзе. Рэабілітаваны ў 1957.