У Вікіпедыі ёсць артыкулы пра іншых асоб з прозвішчам Мельнікаў.
Уладзімір Мікалаевіч Мельнікаў (нар. 14 верасня 1951[1], Чарнаўцы) — украінскі паэт, празаік, кампазітар. Кандыдат тэхнічных навук (1987). Заслужаны дзеяч мастацтваў Украіны (2004)[2].
У 1974 годзе скончыў Мінскае вышэйшае інжынернае зенітнае ракетнае вучылішча ( г. Мінск). Першыя вершы «Ліст ад мамы» на рускай мове былі апублікаваныя ў газеце Беларускай ваеннай акругі «Во славу Родины» ў 1973 годзе[3].
У 1982 годзе скончыў Ваенную акадэмію СПА Сухапутных войскаў ім. Маршала Савецкага Саюза Васілеўскага А. М. ( г. Кіеў), у 1987 годзе скончыў ад’юнктуру гэтай Ваеннай акадэміі.
У 1984—1992 гадах займаўся навуковай і педагагічнай дзейнасцю ў Ваеннай акадэміі СПА Сухапутных войскаў ім. Маршала Савецкага Саюза Васілеўскага А. М. (Кіеў). У 1991 годзе прысвоена воінскае званне «палкоўнік» і вучонае званне «дацэнт». У 1992—1995 гадах служба ў Цэнтры верыфікацыі Узброеных Сіл Украіны (Кіеў).
У 1993 і 1997 гадах абраны акадэмікам Украінскай акадэміі арыгінальных ідэй. У 1995—2001 гадах служба ў Генеральнай ваеннай інспекцыі пры Прэзідэнце Украіны. У 2001—2003 гадах дзяржаўная служба ў Адміністрацыі Прэзідэнта Украіны. У 2003—2005 гадах дзяржаўная служба ў Дзяржаўным упраўленні справамі Прэзідэнта Украіны на пасадзе начальніка Упраўлення эканамічнага развіцця.
У 2005 годзе скончыў Міжнародны інстытут бізнесу па праграме «Карпаратыўнае кіраванне і стратэгія бізнэсу» ( г. Кіеў).
Намеснік Старшыні, член савета грамадскай арганізацыі «Букавінскае зямляцтва Кіева»[4],
Адказны сакратар Назіральнага савета Нацыянальнага прэзідэнцкага аркестра Ўкраіны[5].
Жыве ў Кіеве.
Уладзімір Мікалаевіч Мельнікаў у Вікіцытатніку | |
Уладзімір Мікалаевіч Мельнікаў у Вікікрыніцах | |
Уладзімір Мікалаевіч Мельнікаў на Вікісховішчы |