У Вікіпедыі ёсць артыкулы пра іншых асоб з прозвішчам Мацвееў.
Уладзі́мір Васі́левіч Мацве́еў (23 верасня 1929, м. Смалявічы Менскай акругі — ?) — дзяржаўны дзеяч БССР.
З служачых. Член КПСС (1959). Скончыў БДУ (1953).
З 1951 года літработнік, загадчык аддзела газеты «Знамя юности», з 1958 года загадчык аддзела, адказны сакратар, намеснік рэдактара газеты «Советская Белоруссия». У 1963—1965 гадах намеснік загадчыка аддзела ЦК КПБ. У 1965—1972 гадах рэдактар «Сельской газеты». З жніўня 1972 года старшыня Дзяржаўнага камітэта Савета Міністраў БССР па кінематаграфіі.
Дэпутат Вярхоўнага Савета БССР 7—9 склікання. На XXVI і XXVII з’ездах КПБ абіраўся членам ЦК КПБ. Узнагароджаны двума ордэнамі Працоўнага Чырвонага Сцяга, медалём.