Тэрэза Абалевіч (22 мая 1974, Відзы) — польскі філосаф навукі, філосаф рэлігіі. Сябра Кангрэгацыі сясцёр Беззаганнага зачацця святой панны Марыі. Спецыалізуецца на вывучэнні рэлігійнай творчасці Сямёна Франка, Уладзіміра Салаўёва, Мікалая Лоскага, Аляксея Лосева, Мікалая Бярдзяева і іншых рускіх рэлігійных мысляроў XIX — XX стст.
Пасля заканчэння пачатковай школы ў 1991 годзе паступіла ў медыцынскі каледж № 2 г. Мінска (цяпер Беларускі дзяржаўны медыцынскі каледж). Але з цягам часу змяніла свой жыццёвы курс на вывучэнне рэлігійнай філасофіі.
Тэрэза Абалевіч апублікавала звыш за 300 артыкулаў па рускай рэлігійнай філасофіі, а таксама па тэме ўзаемаадносін паміж навукай і рэлігіяй. Яе кнігі выдадзены на 4 мовах: польскай, французскай, рускай і англійскай. У сваю чаргу, займаецца перакладам філасофскай літаратуры на польскую мову і з польскай на рускую.