Тэрыторыя Новая Гвінея (англ.: Territory of New Guinea) — гістарычная вонкавая тэрыторыя Аўстраліі і мандатная тэрыторыя Лігі Нацый (з 1946 – пад апекай ААН).
У 1914, пасля пачатку Першай сусветнай вайны, Германская Новая Гвінея апынулася пад аўстралійскай акупацыяй і 17 верасня 1914 капітулявала. Для кіравання калоніяй была створаная ваенная адміністрацыя, якая дзейнічала да 9 мая 1921. Пасля паразы Германіі ў вайне, 17 снежня 1920 Аўстраліі быў выдадзены мандат групы C Лігі Нацый на большую частку Новай Гвінеі. У красавіку 1921 яна афіцыйна ўвайшла ў склад Аўстраліі.
Падчас Другой сусветнай вайны Новая Гвінея стала арэнай інтэнсіўных баёў паміж войскамі Саюзнікаў і Японіі. У 1942 яна была тэрытарыяльна аб’яднаная з іншай тэрыторыяй Аўстраліі – Папуа. 13 снежня 1946, у сувязі з роспускам Лігі Нацый, тэрыторыя стала падапечнай ААН. У 1949 аб’яднанне Новай Гвінеі з Папуа было завершанае стварэннем адзінай Тэрыторыі Папуа і Новая Гвінея.
Тэмы гэтай старонкі (7):