wd wp Пошук: ⬜

Трастамара

Траста́мара — пабочная галіна Бургундскай дынастыі Іўрэйскага дому, якая кіравала першапачаткова ў Кастыліі (1369—1555), а пазней распаўсюдзілая сваю ўладу на Арагон (1412—1516), Сіцылію (1412—1516), Неапаль (1435—1516) і Навару (1425—1484).

Дынастыя Трастамара ў Кастыліі

Заснавальнікам дынастыі стаў Энрыке (13.01.1334 — 29.05.1379), граф Трастамара, пазашлюбны сын Альфонса XI (11.08.1311 — 26.03.1350), караля Кастыліі ў 1312—1350, і Леаноры дэ Гусман (1310—1351). У выніку працяглай міжусобнай вайны са сваім адзінакроўным братам Педра I (1334—1369), каралём Кастыліі ў 1350—1369, Энрыке Трастамара забіў брата, і сам стаў каралём Кастыліі пад імем Энрыке II (1369—1379).

• 1369—1379 — Энрыке II
• 1379—1390 — Хуан I, сын Энрыке II
• 1390—1406 — Энрыке III Хваравіты, старэйшы сын Хуана I
• 1406—1454 — Хуан II, сын Энрыке III
• 1454—1474 — Энрыке IV Бяссільны (літар. el Impotente), сын Хуана II
• 1474—1504 — Ізабела Каталіцкая, дачка Хуана II
• 1474—1516 — Фердынанд V (Фердынанд II Арагонскі), муж і намінальны суправіцель Ізабелы I, пасля яе смерці з невялікімі перапынкамі фактычны рэгент пры сваёй дачцы Хуане
• 1504—1555 — Хуана Вар’ятка, дачка Ізабелы I і Фердынанда V. Была аддадзена замуж за Філіпа Прыгожага, герцага Бургундыі. Гэты шлюб перадаў, у выніку, карону дынастыі Трастамара Габсбургам, якія зацвердзіліся на іспанскім троне да 1700 года. Унук Хуаны, Філіп II, стаў першым каралём аб’яднанай Іспаніі, а таксама валодаў каронай Партугаліі.

Дынастыя Трастамара ў Арагоне і Сіцыліі

Заснавальнікам дынастыі стаў Фердынанд I (27.11.1380 — 02.04.1416), другі сын Хуана I Кастыльскага. Пасля спынення якая кіравала ў Арагоне Барселонскай дынастыі (1410) і двухгадовай грамадзянскай вайны Фердынанд I, які быў па жаночай лініі пляменнікам караля Марціна, быў абраны на прастол Арагона і Сіцыліі.

• 1412—1416 — Фердынанд I
• 1416—1458 — Альфонс V Велікадушны, старэйшы сын Фердынанда I
• 1458—1479 — Хуан II, другі сын Фердынанда I
• 1479—1516 — Фердынанд II, сын Хуана II

Дынастыя Трастамара ў Неапалі

Заснавана арагонскім каралём Альфонсам V (1394-27.06.1458), які захапіў Неапаль пасля смерці каралевы Джаваны II. У Неапалі гэту дынастыю звычайна завуць Арагонскай.

• 1435—1458 — Альфонс I (Альфонс V Арагонскі)
• 1458—1494 — Фердынанд I, пазашлюбны сын Альфонса I
• 1494—1495 — Альфонс II, старэйшы сын Фердынанда I
• 1495—1496 — Фердынанд II, сын Альфонса II
• 1496—1501 — Федэрыга, другі сын Фердынанда I
• 1503—1516 — Фердынанд III (Фердынанд II Арагонскі)

Дынастыя Трастамара ў Навары

Заснавана Хуанам Арагонскім (29.06.1397 — 20.01.1479), другім сынам арагонскага караля Фердынанда I, будучым арагонскім каралём Хуанам II. Хуан Арагонскі ажаніўся ў 1420 г. з Бланкай (1391—1441), дачкой і спадчынніцай Карла III Высакароднага (1361 — 08.09.1425), караля Навары ў 1387—1425 гг. Разам са сваёй жонкай Хуан уступіў на прастол Навары ў 1425 г. і працягваў кіраваць Наварай нават пасля смерці Бланкі.

• 1425—1479 — Хуан (Хуан II Арагонскі)
• 1479 — Элеанора, дачка Хуана і Бланкі, выйшла замуж за Гастона IV дэ Фуа.

Спасылкі

• На Вікісховішчы ёсць медыяфайлы па тэме Трастамара

Тэмы гэтай старонкі (2):
Катэгорыя·Трастамара
Катэгорыя·Уладарскія роды