У гэтага паняцця ёсць і іншыя значэнні, гл. Торы. Торы Эймас (англ.: Tori Amos, народжаная Myra Ellen Amos; 22 жніўня 1963) — амерыканская спявачка, піяністка, кампазітар і аўтар песень, якая злучыла ў сваёй творчасці (згодна з Allmusic) элементы альт-, фольк- і прог-року, джазу, эксперыментальнай электронікі, уплыву Джоні Мітчэл і Кейт Буш. Асноўным інструментам-акампаніятарам для Эймас з’яўляецца, як правіла, фартэпіяна. Да 2005 года ва ўсім свеце было прададзена 12 мільёнаў альбомаў Торы Эймас.