Та́пты (хіндзі: ताप्ती, маратхі: तापी, гудж.: તાપી) — рака ў цэнтральнай Індыі, цячэ на ўсход ад горнага масіву Сатпура паблізу горада Бетул у штаце Мадх’я-Прадэш, далей цячэ на захад, збольшага паралельна да ракі Нармада. Да басейна ракі адносіцца таксама рэгіён Кандэш у штаце Махараштра.
Даўжыня 720 км, з якіх 300 км з’яўляюцца суднаходнымі. Тапты ўпадае ў Аравійскае мора ў раёне Камбейскага заліва каля горада Сурат у штаце Гуджарат. У вусці ўтварае эстуарый. У цэлым, басейн Тапты складае 77 800 км².