Талачы́нскае — вадасховішча ў Талачынскім раёне Віцебскай вобласці Беларусі на рацэ Друць у межах горада Талачын.
Плошча паверхні 0,22 км². Даўжыня 1,75 км, найбольшая шырыня 0,2 км. Найбольшая глыбіня 3 м, сярэдняя 1,6 м. Аб’ём вады ў вадасховішчы 0,343 млн м³. Плошча вадазбору 104 км². Ваганні ўзроўню вады да 0,5 м.
Катлавіна пераважна выцягнутая ў напрамку з паўночнага захаду на паўднёвы ўсход. Берагі роўныя. Каля плаціны ў месцы ўпадзення ракі Рагачоўка берагавая лінія ўтварае заліў. Вадасховішча моцна праточнае.