wd wp Пошук: ⬜

Сігулда

Сігулда (лат.: Sigulda) — горад у Латвіі. З’яўляецца адміністрацыйным цэнтрам Сігулдскага края. Плошча 18,2 км². Насельніцтва 11 821 чал. (2016). Знаходзіцца за 53 км ад Рыгі. Знаходзіцца ў даліне ракі Гаўя. З-за радовішчаў чырвонага камню Сігулда мае мянушку «Швейцарыі ў Відзэмэ».

Гісторыя

Датай заснавання горада лічыцца 1207 год, калі Ордэнам Мечаносцаў быў заснаваны замак Зэгевольд, або Зігвальд (ням.: Siegwald — «Лес перамогі»). У выніку Лівонскай вайны ў 1561 годзе ўвайшла ў склад будучай Рэчы Паспалітай. У пачатку XVII стагоддзя перайшла да Швецыі, а ў 1721 годзе трапіла пад уладу Расіі. У савецкія часы была адміністрацыйным цэнтрам раёна.

Славутасці

• Сігулдскі замак
• Сігулдскі сярэдневяковы замак
• Турайдскі замак
• г.зв. «Швейцарскі дом»
• Пячора Гутманя паміж замкамі Сігулды і Тураіды. Гэта самая вялікая пячора ў Прыбалтыцы: вышыня складае 10 м, глыбіня — 19 м, шырыня — 12 м. У пячоры цячэ гаючы ручай.
• Канатная дарога
• Нацыянальны парк Гаўя (непадалёк ад горада)

Культура

У Сігулдзе кожнае лета праходзіць фестываль оперы пад адкрытым небам. Фестываль адзначаецца ў маі падчас цвіцення вішні.

Галерэя

• Турайдскі замак
• Новы Сігулдскі замак з паркам
• Руіны Сігулдскага сярэдневяковага замка
• Уваход у пячору Гутманю
• «Швейцарскі дом»

Зноскі

1. 1 2 Central Statistical Bureau of Latvia Праверана 25 лютага 2021.
2. ↑ Central Statistical Bureau of Latvia Праверана 15 чэрвеня 2021.
3. ↑ http://www.pasts.lv/lv/uzzinas/Indeksu_gramata/novadi/Novadi_aprilis_2011.xls

Спасылкі

• На Вікісховішчы ёсць медыяфайлы па тэме Сігулда

• Сайт Сігулды

• Latvijas iedzīvotāju skaits pašvaldībās 01.01.2012Архівавана 15 ліпеня 2012. (лат.)

Тэмы гэтай старонкі (5):
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Сігулда
Катэгорыя·Населеныя пункты паводле алфавіта
Катэгорыя·Гарады Латвіі