У Вікіпедыі ёсць артыкулы пра іншых асоб з прозвішчам Пятровіч. Сяргей Астапавіч Пятровіч (12 красавіка 1931, г. Капыль — 6 кастрычніка 1981) — беларускі тэатразнавец. Кандыдат мастацтвазнаўства (1962).
Скончыў Беларускі тэатральна-мастацкі інстытут у 1955 годзе. У 1955—1957 гадах акцёр Беларускага рэспубліканскага тэатра юнага гледача, у 1960—1973 і 1977—1981 навуковы супрацоўнік Інстытута мастацтвазнаўства, этнаграфіі і фальклору АН Беларусі, у 1973—1977 гадах намеснік міністра культуры Беларусі.
Член Беларускага саюза тэатральных дзеячаў з 1955 года.
Даследаваў дзейнасць Е. Міровіча, тэатральную спадчыну Я. Коласа, развіццё тэатральнага мастацкага аматарства рэспублікі. Адзін з аўтараў «Гісторыі беларускага тэатра» (т. 1—2, 1983—1985).