Субтрапічны лес
Субтрапічны лес (Subtropical evergreen forest) - лес, распаўсюджаны ў субтрапічных паясах.
Падпадзяляюцца на падзоны гемігілей, мусонных змешаных лясоў і міжземнаморскіх летнясухіх лясоў і хмызнякоў.
У субтрапічных лясах Міжземнамор’я пераважаюць зараснікі жорсткалістяныx вечназялёных хмызнякоў і невысокіх дрэў. Дрэвы стаяць рэдка, а паміж імі буйна развіваюцца розныя травы і хмызнякі. Тут растуць ядлоўцы, высакародны лаўр, сунічнае дрэва, якое штогод скідае кару, дзікія масліны, пяшчотны мірт, ружы.[1]) Субтрапічны клімат Міжземнамор’я - сухі, ападкі ў выглядзе дажджу выпадаюць зімой, нават слабыя маразы здараюцца вельмі рэдка, лета засушлівае і спякотнае.
Мусонныя змешаныя лясы развіваюцца ва ўмовах цёплага клімату з выразным чаргаваннем сухога зімовага і вільготнага гадовага сезонаў.
Гемигилей распаўсюджаныя ў раёнах з залішнім увільгатненнем на працягу ўсяго года (Паўдн.-Усх. ЗША, Паўдн. Бразільскага пласкагор’я, Паўдн.-Усх. Афрыкі, Паўночны востраў Новай Зеландыі) [2] субтропікаў на ўсходніх ускраінах мацерыкоў характарызуюцца больш вільготным кліматам. Атмасферныя ападкі выпадаюць нераўнамерна, але дажджоў бывае больш летам. Гэта значыць у той час, калі расліннасць асабліва мае патрэбу ў вільгаці. Тут пераважаюць густыя вільготныя лясы з вечназялёных дубоў, магнолій, камфоравага лаўра. Шматлікія ліяны, зараснікі высокіх бамбукаў і розныя хмызнякі ўзмацняюць своеасаблівасць вільготнага субтрапічнага лесу.
Ад вільготнатрапічных лясоў субтрапічны лес адрозніваецца меншай краявіднай разнастайнасцю, памяншэннем колькасці эпіфітаў і ліян, а таксама з’яўленнем у дрэвастою іглічнай, дрэвападобнай папараці.
Гл. таксама
Зноскі
- ↑ Жестколистные леса — БСЭ — Яндекс.Словари(нявызн.) (недаступная спасылка). Архівавана з першакрыніцы 7 жніўня 2014. Праверана 17 сакавіка 2013.
- ↑ Лесные зоны субтропических поясов — БСЭ — Яндекс.Словари(нявызн.) (недаступная спасылка). Архівавана з першакрыніцы 6 жніўня 2014. Праверана 17 сакавіка 2013.
Спасылкі
На Вікісховішчы ёсць медыяфайлы па тэме Субтрапічны лес
Катэгорыя·Лясы
Катэгорыя·Кліматычныя зоны