Стэрэахімія (ад грэч.: στερεός — цвёрды, прасторавы) — раздзел хіміі аб прасторавай будове малекул і яе ўплыве на хімічныя ўласцівасці (статычная стэрэахімія) і на кірунак і скорасць рэакцый (дынамічная стэрэахімія). Асаблівасці прасторавай будовы выяўляюцца ў з’яўленні стэрэаізамераў; гэтыя асаблівасці ўплываюць на скорасць і кірунак хімічных ператварэнняў, на фізічныя ўласцівасці рэчываў, на характар іх фізіялагічнага дзеяння і інш.