У Вікіпедыі ёсць артыкулы пра іншых асоб з прозвішчам Мос.
Сэр Стырлінг Крофард Мос, OBE (англ.: Sir Stirling Craufurd Moss, 17 верасня 1929, Лондан — 12 красавіка 2020, там жа) — брытанскі аўтагоншчык, з 1951 па 1962 год пілот Формулы-1, пераможца Targa Florio (1955), прызёр «24 гадзін Ле-Мана». У рамках чэмпіянатаў свету Формулы-1 лічыцца самым няўдачлівым пілотам ў гісторыі: ён часта змагаўся за чэмпіёнскі тытул, але пераможцам сусветнага першынства так і не стаў (з 1955 па 1958 станавіўся другім, з 1959 па 1961 станавіўся трэцім прызёрам ў агульным заліку). Ён атрымаў 16 перамог за рулём Mercedes, Maserati, Vanwall, Cooper і Lotus ў рамках этапаў чэмпіянату свету Ф1 і 19 перамог у пазазаліковых Гран-пры Ф1.