Стывен Смейл (англ.: Stephen Smale, нар. 15 ліпеня 1930) — амерыканскі матэматык, які ўзначальваў факультэт матэматыкі Каліфарнійскага ўніверсітэта ў Берклі ў 1960—1961 і 1964—1995 гадах, лаўрэат прэміі Філдса 1966 года.
Паступіў у Мічыганскі ўніверсітэт у 1948 годзе, аднак засвойваў праграму з вялікай цяжкасцю. Тым не менш, яму ўдалося паступіць у аспірантуру, дзе ён атрымаў ступень доктара філасофіі ў 1957 годзе пад кіраўніцтвам Рауля Бота.
Пачаў выкладаць у каледжы пры Чыкагскім універсітэце.