Студзёнагу́цкі сельсавет — былая адміністрацыйна-тэрытарыяльная адзінка ў складзе Гомельскага раёна Гомельскай вобласці. Цэнтр — вёска Студзёная Гута.
Пасля другога ўзбуйнення БССР з 8 снежня 1926 года сельсавет у складзе Дзятлавіцкага раёна Гомельскай акругі БССР. З 4 жніўня 1927 года ў складзе Гомельскага раёна. 30 снежня 1927 года сельсавет скасаваны, яго тэрыторыя далучана да Цярухскага сельсавета.
16 ліпеня 1954 года ўтвораны зноў у складзе Церахоўскага раёна Гомельскай вобласці БССР шляхам аб’яднання скасаваных Краўцоўскага і Цярухскага сельсаветаў[1]. З 8 красавіка 1957 года сельсавет у складзе Гомельскага раёна. 11 студзеня 1973 года цэнтр сельсавета перанесены ў вёску Церуха, сельсавет перайменаваны ў Цярухскі.