Стары́ Во́страў[1] (трансліт.: Stary Vostraŭ, руск.: Старый Остров) — аграгарадок у Клічаўскім раёне Магілёўскай вобласці Беларусі. Уваходзіць у склад Каўбчанскага сельсавета.
У 1924—1954 гадах цэнтр Востраўскага сельсавета. Да 2013 года Стары Востраў уваходзіў у склад Акцябрскага сельсавета[2], у 1972—2013 гадах яго цэнтр[3].
Знаходзіцца за 30 км у напрамку на паўночны захад ад горада Клічаў, за 121 км ад Магілёва, за 21 км ад чыгуначнай станцыі Нясята[4]. У напрамку на захад ад аграгарадка працякае рака Бярэзіна.