Станіслаў Улошак (польск.: Stanisław Włoszek; каля 1554, Юхнава, Падляшша — 20 мая 1621, Варшава) — дзеяч каталіцкага касцёла і Ордэна езуітаў, педагог.
Уступіў у Таварыства Ісуса 21 верасня 1573 г. у Браневе[1]. У 1586—1592 гг. — рэктар Полацкага езуіцкага калегіума[2]. У 1596—1597 гг. — прэфект езуіцкіх школ у Любліне, у 1598—1603 гг. і 1611—1614 гг. — суперыёр Дома прафесаў Варшаве, а ў 1608—1609 гг. — прэпозіт (кіраўнік) Дома прафесаў у Кракаве. З 1609 па 1611 гг. займаў пасаду рэктара Віленскай акадэміі. Браў удзел у дыспутах з іншаверцамі[1].