«Спявай 2» (англ.: Sing 2) — амерыканскі анімацыйны фільм студыі «Illumination Entertainment» 2021 года. Прэм’ера стужкі ў Беларусі адбылася 22 снежня 2021 года.
Цяжка быць прадзюсарам, калі ты каала і ў цябе лапкі. Яшчэ складаней, калі твая верная памочніца старажытней за друкаваную машынку. І зусім весела, калі твая трупа — гэта танцуючы без прыпынку пухляш, калючая дзяўчынка-панк, сарамлівая школьніца, бамбіза-гангстэр і шматдзетная мама, чые дзеці — парасяты ў прамым сэнсе слова. Рэцэпт поспеху просты — ірвануць у сусветную сталіцу забаў, завербаваць легендарнага рок-музыку і падарваць сцэну новым шоу.