У Вікіпедыі ёсць артыкулы пра іншых асоб з прозвішчам Зянько. Софія Сымонаўна Зянько-Пачыкоўская (сакавік 1892, в. Ласокіна, Валожынскі раён, Мінская вобласць — 7 ліпеня 1977) — беларуская народная спявачка і казачніца. Песні, прыпеўкі, казкі, пацешкі, якія яна выконвала, вылучаліся народнай фантазіяй, адухоўленасцю, трапнасцю і дасціпнасцю народнага слова. У аснове яе рэпертуару — каляндарна- і сямейна-абрадавыя песні. Ад яе запісана каля 400 твораў беларускага фальклору (запісаў сын Уладзімір). Некаторыя песні Зянько-Пачыкоўскай увайшлі ў рэпертуар Маладзечанскага народнага ансамбля «Спадчына».