Сектар геранталогіі АН БССР быў створаны па ініцыятыве Прэзідэнта АН БССР В. Ф. Купрэвіча 1 студзеня 1958 года на базе лабараторыі ўзроставай біяхіміі і фізіялогіі Інстытута фізіялогіі АН БССР. Асноўным навуковым кірункам з’яўлялася вывучэнне праяў і механізмаў абменных, структурных і функцыянальных змен у клетках і тканках пры старэнні арганізму. даследаванні праводзіліся ў фізіялагічным, біяхімічным і эндакрыналагічным аспектах.
Імкліва рос навуковы ўзровень супрацоўнікаў сектара. Па стане на 1968 г. супрацоўнікамі сектара ўжо было абаронена 11 кандыдацкіх дысертацый.
Паводле Пастановы Савета Міністраў БССР ад 28 студзеня 1987 г. № 25 Сектар геранталогіі быў рэарганізаваны, на яго базе быў створаны Інстытут радыебіялогіі АН БССР[1]. Даследаванні па геранталогіі былі працягнуты ў Інстытуце фізіялогіі АН БССР.