wd wp Пошук: ⬜

Светлагорскі дзяржаўны індустрыяльны каледж

Светлагорскі дзяржаўны індустрыяльны каледж — сярэдняя спецыяльная навучальная ўстанова ў горадзе Светлагорску.

Гісторыя

1960 год — адкрыццё ў Шацілках вячэрняга філіяла Маладзечанскага політэхнічнага тэхнікума. Набор ажыццяўляўся па спецыяльнасцях «Кацельні паратурбінныя ўстаноўкі», «Электрычныя станцыі, сеткі і сістэмы», гэта было звязана па-першае з будованай Васілевіцкай ДРЭС.

Установа размяшчалася ў двухпаверховым будынку па вуліцы Зялёнай.

Першы выпуск адбыўся ў 1963 годзе, а ўжо ў наступным годзе пачаўся набор па спецыяльнасці «Тэхналогія хімічных валокнаў».

У 1965 годзе пераўтвораны ў Светлагорскі вячэрні індустрыяльны тэхнікум, а ўжо на наступны год філіял пераўтвораны ў самастойную ўстанову — Светлагорскі індустрыяльны тэхнікум.

Ва ўмовах буйнога росту горада, з 1969 года пачаўся прыём па спецыяльнасці «Прамысловае і грамадзянскае будаўніцтва».

У 1982 годзе тэхнікум перанесены з вуліцы Зялёнай ў новы будынак (арх. У. К. Філатаў [1]) па вуліцы Шашэйнай.

У 1983 годзе першы набор па спецыяльнасці «Водныя шляхі зносін» і «Эксплуатацыя суднавых энергетычных установак».

У 1990 годзе набор па спецыяльнасці «Мадэляванне і канструяванне швейных вырабаў».

У 1996 годзе набор па спецыяльнасці «Бухгалтарскі ўлік, аналіз і кантроль».

У 2007 годзе тэхнікум пераўтвораны ў Светлагорскі дзяржаўны індустрыяльны каледж.

Спецыяльнасці

Электразабеспячэнне (па галінах)
Прамысловае і грамадзянскае будаўніцтва (па напрамках)
Канструяванне і тэхналогія швейных вырабаў
Хімічная тэхналогія арганічных рэчываў, матэрыялаў і вырабаў
Суднаваджэння і эксплуатацыя рачнога флоту
Эксплуатацыя ўнутраных водных шляхоў
Бухгалтарскі ўлік, аналіз і кантроль

Дырэктары

1963—1965 — Якаўлеў Мікалай Нікіціч.
1965—1978 — Арысік Тамара Уладзіміраўна.
1978—1987 — Падольскі Іван Сцяпанавіч.
1987—2002 — Фомчанка Станіслаў Гаўрылавіч.
2002—2015 — Скурчаеў Фёдар Цітавіч.
з 2015 года — Вялічка Людміла Піліпаўна.

Зноскі

↑ Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др.. — Мн.: Беларусь, 1991. — 262 с. — ISBN 5-338-00611-1.(руск.)

Літаратура

Светлагорскі індустрыяльны тэхнікум // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 253. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх
Афіцыйны сайт Архівавана 17 жніўня 2017.