Санкт-Пецярбургскі манетны двор Дзяржзнака (руск.: Санкт-Петербу́ргский моне́тный двор Гозна́ка; у 1914—1924 — Петраградскі манетны двор, у 1924—1996 — Ленінградскі манетны двор) — адзін з найбуйнейшых манетных двароў свету па чаканцы манет, у тым ліку памятных і юбілейных з каштоўных металаў, а таксама па вырабе ордэнаў, медалёў, знакаў адрознення і іншых вырабаў з каляровых металаў і іх сплаваў. Заснаваны Пятром I у 1724 годзе на тэрыторыі Петрапаўлаўскай крэпасці. З’яўляецца адным з найстарэйшых прамысловых прадпрыемстваў Санкт-Пецярбурга.