Не блытаць з Солін. Салона (лац.: Salona) — антычны ілірыйскі далмацінскі горад, заснаваны ў першым тысячагоддзі да нашай эры[1].
Горад быў заснаваны ілірыйцамі, а ў IV стагоддзі да н.э. яго захапілі грэкі. У Салоне грэкі размясцілі эмпарыён (гандлёвы рынак)[2].
Пасля таго, як Салона была захоплена рымлянамі, горад стаў сталіцай правінцыі Далмацыя[3]. Калі да ўлады прыйшоў Дыяклетыян, які меркавана нарадзіўся ў гэтым горадзе, ён дараваў Салоне ганаровы тытул імператарскай фаміліі «Валерыя» і пабудаваў побач з ім палац; гэты будынак, вядомы цяпер палац Дыяклетыяна, стаў ядром сучаснага горада Спліта. У наш час Салона знаходзіцца каля горада Соліна.
Салона была моцна разбурана падчас нашэсця авараў і славян у 614 годзе. Паўторна рымляне атрымалі тэрыторыю вакол палаца Дыяклетыяна ў 639 годзе[4].