Салецкі раён (руск.: Солецкий район) — адміністрацыйна-тэрытарыяльная адзінка (раён) і скасаванае муніцыпальнае ўтварэнне (муніцыпальны раён) у складзе Наўгародскай вобласці Расіі. Адміністрацыйны цэнтр — горад Сальцы. У сакавіку 2020 года Салецкі муніцыпальны раён ператвораны ў муніцыпальную акругу, усе сельскія і гарадское паселішча скасаваныя.
Раён размешчаны на захадзе Наўгародскай вобласці. На поўначы ён мяжуе з Шымскім, на ўсходзе — з Валатоўскім раёнамі Наўгародскай вобласці, на захадзе з Порхаўскім раёнам Пскоўскай вобласці, а на паўднёвым захадзе з Дноўскім раёнам Пскоўскай вобласці. Плошча — 1422,1 км². Асноўныя рэкі — Шалонь з прытокамі Сітня, Калошка і інш.