wd wp Пошук: ⬜

Рыгор Якаўлевіч Рапапорт

У Вікіпедыі ёсць артыкулы пра іншых асоб з прозвішчам Рапапорт. Рыгор Якаўлевіч Рапапорт (1890, Глуск Мінскай губерні, цяпер райцэнтр Магілёўскай вобласці — 10 лютага 1938, Масква, «Камунарка», НКВД) — савецкі дзяржаўны дзеяч.

Біяграфія

З сям’і гандляра, да 1917 года служыў у гандлярскай канторы. З 1918 г. камісар-следчы, намеснік начальніка Крымінальнага аддзела Маскоўскай надзвычайнай камісіі. У 1921—1927 гг. намеснік начальніка Ленінградскага акруговага транспартнага аддзела АДПУ. З 1928 года паўнамоцны прадстаўнік АДПУ ў Крыме, з 1929 г. пры СНК СССР па БВА. З 1931 г. паўнамоцны прадстаўнік АДПУ па Урале, з 1934 — паўнамоцны прадстаўнік НКВД па Сталінградскім краі. З 1936 года начальнік інспекцыі па якасці Наркамата харчовай прамысловасці СССР. Арыштаваны 16.7.1937 у Маскве, асуджаны 8.2.1938 тройкай НКВД за «ўдзел у контррэвалюцыйнай тэрарыстычнай арганізацыі» да ВМП. Расстраляны. Рэабілітаваны 22 верасня 1956 г. ваеннай калегіяй Вярхоўнага суда СССР.

Зноскі

Літаратура

Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн.: БелЭн, 2001. — 591 с.: іл. — 10 000 экз. — ISBN 985-11-0214-8.
Рапапорт Рыгор Якаўлевіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 13: Праміле — Рэлаксін. — С. 308. — 576 с. — 10 000 экз. — ISBN 985-11-0216-4 (т. 13), ISBN 985-11-0035-8.