У Вікіпедыі ёсць артыкулы пра іншых асоб з падобнымі імёнамі, гл. Валовіч і Рыгор Валовіч.
Рыгор Валовіч (? — 1577) — дзяржаўны дзеяч ВКЛ. З роду Валовічаў, сын Багдана, брат канцлера Астафія Валовіча.
Дваранін гаспадарскі з 1548, гараднічы гарадзенскі ў 1558—1566, маршалак гаспадарскі ў 1560—1563, лоўчы ВКЛ у 1567—1574, ваявода смаленскі з 1571; староста мсцібаўскі ў 1548—1567, мельніцкі і ласішскі з 1566, дзяржаўца эйшышскі, каняўскі, варнянскі, дубіцкі і зэльвенскі ў 1558—1569, мерацкі ў 1569—1576. Пасол у Маскве ў 1563.