Рыгор Андрэевіч Пёрышкін (6 лютага 1898, Новачаркаск, Вобласць Войска Данскога, Расійская імперыя - 30 кастрычніка 1990) — беларускі вучоны ў галіне гідратэхнічнага будаўніцтва. Член-карэспандэнт АН БССР (1959), прафесар (1954). Кавалер ордэна Працоўнага Чырвонага Сцяга (1952).
Скончыў Данскі політэхнічны інстытут (1922). У 1922-1953 гг. займаўся распрацоўкай праектаў і будаўніцтвам водагаспадарчых сістэм і збудаванняў - трасы Волга-Данскога канала, Манычскага рачнога воднага шляху, Цымлянскага гідравузла, электрыфікацыяй сельскай гаспадаркі Стаўрапольскага краю, распрацоўкай праблем Палесся. У 1953-1965 гг. дацэнт, прафесар, загадчык кафедры гідратэхнічнага будаўніцтва Беларускага політэхнічнага інстытута, адначасова ў 1961-1962 гг. дырэктар Інстытута водных праблем АН БССР.
Аўтар каля 30 навуковых прац па канструяванні і лабараторных даследаваннях буйных гідратэхнічных пабудоў.