Ружа лямцавая[3] (Rosa tomentosa) — від раслін сямейства Ружавыя (Rosaceae)[4].
Ружа лямцавая, радоста, русальніца[5], шупшыннік[6].
Калючы куст вышынёй да 2 метраў. Лісце непарнаперыстае, цёмна-зялёнае, моцна апушанае[4]. Лісточкі з абедзьвух бакоў густаваласістыя, часталямцавыя[4]. Шыпы амаль аднолькавыя, часта амаль прамыя, шырокія ля аснавання[4]. Кветкі да 4 см у дыяметры афарбаваны ад светла-ружовага да белага. Цвітнее ў чэрвені-ліпені[4]. Плады круглыя, дыяметрам ад 1 да 2 см, чырвонага колеру.
Від пашыраны па ўсёй Еўропе, акрамя Крайняй Поўначы. На Беларусі сустракаецца па ўзлесках, хмызняках, пераважна на поўдні краіны[4].
Дэкаратыўная расліна. У культуры з 1820 года.