Ровенскаслабо́дскі сельсавет — адміністрацыйна-тэрытарыяльная адзінка ў складзе Рэчыцкага раёна Гомельскай вобласці. Цэнтр — аграгарадок (да 2009 г. вёска) Ровенская Слабада.
Пасля другога ўзбуйнення БССР з 8 снежня 1926 года Ровенска-Слабадскі сельсавет у складзе Рэчыцкага раёна Рэчыцкай акругі БССР. З 9 чэрвеня 1927 года ў складзе Гомельскай акругі. 30 снежня 1927 года сельсавет узбуйнены, у яго склад увайшла тэрыторыя скасаваных Андрэеўскага і Ровенскага сельсаветаў. Пасля скасавання акруговай сістэмы 26 ліпеня 1930 года ў Рэчыцкім раёне БССР. З 20 лютага 1938 года ў складзе Гомельскай вобласці. 16 ліпеня 1954 года да сельсавета далучана тэрыторыя скасаванага Бязуеўскага сельсавета[1]. 2 красавіка 1959 года ў склад Свірыдавіцкага сельсавета перададзены 3 населеныя пункты (Калінін, Падроўнае і Ямпаль), у склад Жмураўскага сельсавета перададзены 2 населеныя пункты (Воўчая Гара і Іванаўка)[2]. 26 сакавіка 1987 года да сельсавета далучана частка скасаванага Маладушскага сельсавета (вёскі Раманаўка і Смагарын)[3]. 28 снежня 2005 года сельсавет перайменаваны ў Ровенскаслабодскі[4].
Насельніцтва сельсавета паводле перапісу 2009 года — 1348 чалавек[5], з іх 92,2 % — беларусы, 3,7 % — рускія, 2,8 % — украінцы[6].