Роберт Хардынг Уітэкер (англ.: Robert Harding Whittaker; 27 снежня 1920 — 20 кастрычніка 1980) — амерыканскі навуковец-эколаг і фітацэнолаг, адзін з найбольш вядомых эколагаў у свеце.
Займаўся пытаннямі класіфікацыі і ардынацыі раслінных супольнасцяў. Адстойваў пазіцыі прыхільнікаў кантынуальнасці расліннага покрыва, стаўшы адным з лідараў гэтага кірунку ў ЗША. Першым абгрунтаваў падзел арганізмаў на пяць царстваў — пракарыёты, працісты, грыбы, расліны, жывёліны. Аспрэчваў тэорыю монаклімакса, лічыў, што клімакс з’яўляецца мазаічным (яго канцэпцыя найбольш блізкая да тэорыі поліклімакса).